చీరాలలో రెడ్​జోన్​ను ప్రకటించిన అధికారులు

ప్రకాశం జిల్లాలో కరోనా విజృంభిస్తోంది. చీరాలలో మరో 9 కేసులు నమోదయ్యాయి. ఇప్పటికే పట్టణంలో 80 పాజిటివ్ కేసులు వచ్చాయని అధికారులు తెలిపారు.

ప్రకాశం జిల్లా చీరాలలో కరోనా కోరలు చాచుతోంది. పట్టణంలో మరో 9 కేసులు నమోదయ్యాయి. ఇప్పటికే ఈ ప్రాంతంలో 80 కోవిడ్ కేసులు నిర్ధరణ అయ్యాయని అధికారులు తెలిపారు. దీంతో పట్టణంలోని పలు ప్రాంతాలను రెడ్​జోన్​గా ప్రకటించారు. ఒకటో పట్టణ పోలీస్ స్టేషన్, మెడికల్ దుకాణాలు సైతం రెడ్​జోన్​లోకి వెళ్లటంతో వాటిని మూసేశారు. జయంతిపేట, ఆనందపేట, విఠల్ నగర్, వైకుంఠపురం, అన్నదాతవీధి, హారీస్ పేట, శాంతి నగర్​లలో 9 కేసులు నమోదయ్యాయి. అప్రమత్తమైన అధికారులు ఆయా ప్రాంతాల్లో సోడియం హైపోక్లోరైడ్ ద్రావణాన్ని పిచికారీ చేశారు. ఒకటో పట్టణ ఎస్సై సురేష్ ఆధ్వర్యంలో పోలీసులు బారికేట్లు ఏర్పాటు చేశారు.

ఇదీ చూడండి.విషాదం.. నీటికుంటలో పడి అక్కాతమ్ముడు మృతి