'కొవిడ్ కేర్ సెంటర్లలో మెరుగైన వైద్య సేవలు'

కొవిడ్ బాధితులకు మెరుగైన వైద్య సేవలందించేందుకు... కేర్ సెంటర్లను ఏర్పాట్లు చేసినట్లు ఆర్డీవో శేషిరెడ్డి తెలిపారు. యర్రగొండపాలెం యూత్ ట్రైనింగ్ సెంటర్ బిల్డింగ్​లోని కొవిడ్ కేర్ సెంటర్​ను ఆయన పరిశీలించారు.

ప్రకాశం జిల్లా యర్రగొండపాలెంలోని కొవిడ్ కేర్ సెంటర్​ను ఆర్టీవో శేషిరెడ్డి పరిశీలించారు. కరోనా బాధితులకు మెరుగైన వైద్యం అందించడం కోసం కొవిడ్ కేంద్రాన్ని ప్రారంభించినట్లు చెప్పారు. కరోనా వ్యాప్తి పట్ల అధికారులు అప్రమత్తంగా ఉండాలన్నారు. కొవిడ్ నిర్ధారణ అయి ఇంట్లో ఉండడానికి అవకాశం లేని వారి కోసం ఈ కేంద్రాన్ని ప్రారంభించామని వివరించారు. రేపటి నుంచి కొవిడ్ సెంటర్ అందుబాటులోకి వస్తుందని చెప్పారు. కొవిడ్ కేర్ సెంటర్​లో ఉన్నవారికి ప్రభుత్వం ఇచ్చిన మెనూ ప్రకారం ఆల్పాహారము, భోజనం అందించడానికి చర్యలు తీసుకోవాలని అధికారులను ఆదేశించారు.

ఇదీ చదవండి:చీరాల ఆసుపత్రిని పరిశీలించిన కొవిడ్ ప్రత్యేక నోడల్ అధికారి