Yadavalli YCP Sarpanch Serious on Officials: ప్రకాశం జిల్లా యడవల్లి వైసీపీ సర్పంచ్..కనిగిరి తహసీల్దారు సహా వీఆర్వో, కార్యదర్శిని బెదిరించారు. అనుమతుల్లేవంటూ యడవల్లి సర్పంచి కాసుల గురవయ్య వెంచర్లలోని.. రాళ్లను రెవెన్యూ సిబ్బంది తొలగించారు. దీంతో తీవ్ర ఆగ్రహం వ్యక్తం చేసిన సర్పంచ్.. మీ ఇష్టప్రకారం చేస్తే నడవదు.. నేను చెప్పినట్లే చేయాలి. లేదంటే కష్టమని.. పంచాయతీ కార్యదర్శి అరవిందకు ఫోన్ చేసి అసభ్యపదజాలంతో దూషించారు. కలెక్టర్‌ సమీక్షలో ఉన్న తహసీల్దారు పుల్లారావుకు ఫోన్‌చేసి.. ఫోన్ చేస్తే ఎందుకు ఎత్తలేదు? ఇష్టప్రకారం చేస్తున్నావేంటి? బదిలీ చేయిస్తానని బెదిరించారు. కులం పేరుతో దూషించారు. సర్పంచ్ హెచ్చరికలతో తీవ్ర ఆందోళనకు గురైన తహసీల్దారు, సిబ్బంది తమకు రక్షణ కల్పించాలంటూ పోలీసులకు ఫిర్యాదు చేశారు.
అధికారులకు ఫోన్ చేసి.. దుర్భాషలాడిన వైసీపీ సర్పంచ్..