అక్రమంగా గ్రానైట్ పలకలను తరలిస్తున్న వాహనాల పట్టివేత

అక్రమంగా గ్రానైట్ పలకలను తరలిస్తున్న వాహనాలను ప్రకాశం జిల్లా మార్టూరులో విజిలెన్స్ అండ్ ఎన్​ఫోర్స్​మెంట్ అధికారులు పట్టుకున్నారు. లారీలను పోలీస్​ స్టేషన్​కు తరలించారు.

ప్రభుత్వానికి చెల్లించాల్సిన పన్నులు ఎగొట్టి అక్రమంగా గ్రానైట్ పలకలను తరలిస్తున్న వాహనాలను ప్రకాశం జిల్లా మార్టూరులో ఎన్​ఫోర్స్​మెంట్ అధికారులు, పోలీసులు పట్టుకున్నారు. వే బిల్లులు లేకుండా అక్రమంగా గ్రానైట్ తరలిస్తున్నారన్న పక్కా సమాచారంతో అధికారులు తనిఖీలు నిర్వహంచారు. ఈ దాడుల్లో ఏడు లారీలను పట్టుకున్నారు. వాహనాలను పోలీస్ స్టేషన్​కు తరలించారు. గ్రానైట్ బండల కొలతల ప్రకారం అపరాధ రుసుం విధిస్తామని అధికారులు తెలిపారు. వారం రోజుల వ్యవధిలో 11 వాహనాలపై కేసులు నమోదు చేసినట్లు పేర్కొన్నారు.

ఇదీ చదవండి: