సింగరాయకొండలోని శ్రీ వరహ లక్ష్మీనరసింహస్వామి దేవస్థానం ముఖద్వారానికి మరమ్మతులు చేయకపోవటంతో సిమెంటు ప్రతిమల పెచ్చులూడాయని, అయితే వాటిని ఎవరో ధ్వంసం చేసినట్లు ఒక వ్యక్తి సామాజిక మాధ్యమాల్లో పోస్టు చేశాడని ఏఎస్పీ బి.రవిచంద్ర తెలిపారు. నిజానిజాలు తెలుసుకోకుండా దీన్ని మీడియా ప్రతినిధులు తమ ఛానళ్లు, పత్రికల్లో ప్రసారం చేశారని చెప్పారు. దాంతో కొందరు దురుద్దేశపూర్వకంగా ఫేస్‌బుక్‌, వాట్సాప్‌, ట్విటర్‌లోనూ పోస్టు చేశారని దర్యాప్తులో వెల్లడైందని పేర్కొన్నారు.
అందుకు కారకులైన లారీ డ్రైవర్‌ మద్దాసాని మౌలాలితోపాటు వివిధ ఛానళ్లు, పత్రికల విలేకర్లు అంబటి శివకుమార్‌, సాగే శ్రీనివాసరావు, పోకూరి కిరణ్‌, షేక్‌ బాషు, కాట్రగడ్డ రామ్మోహన్‌లను అరెస్టు చేసినట్లు అదనపు ఎస్పీ వెల్లడించారు. వీరితోపాటు మరికొన్ని ఛానళ్లు, యూట్యూబ్ ఛానళ్ల ప్రతినిధులపైనా కేసులు నమోదు చేశామనీ, వారిపైనా చట్టప్రకారం చర్యలు తీసుకుంటామని చెప్పారు.
కేసులు ఉపసంహరించుకోండి: ఏపీయూడబ్ల్యూజే