పేకాట శిబిరాలపై పోలీసుల దాడులు

లాక్ డౌన్ నిబంధనలు పాటిస్తూ అందరిని ఇళ్లకే పరిమితం కావాలని అధికారులు మొత్తుకుంటుంటే... కొందరు గంజాయి రవాణా చేస్తారు. మరికొందరు నాటుసారా దందాకు తెరలేపారు. తాజాగా ప్రకాశం జిల్లా త్రిపురాంతకం మండలంలో పేకాట మొదలుపెట్టారు. గుంపులు గుంపులుగా చేరి నిబంధనలను విస్మరించారు.

ప్రకాశం జిల్లా త్రిపురాంతకం మండలం గణపవరం గ్రామం సమీపంలోని ఎన్నెస్పీ కెనాల్ సమీపంలో పేకాట శిబిరంపై పోలీసులు దాడులు నిర్వహించారు. తొమ్మిది మంది పేకాటరాయుళ్లను అదుపులోకి తీసుకుని వారినుంచి రూ.29,500 నగదు స్వాధీనం చేసుకున్నారు.

కడప జిల్లా జమ్మలమడుగు పట్టణంలో ఇంట్లోనే పేకాట ఆడుతుండగా పోలీసులు దాడి చేసి పలువురిని అరెస్ట్ చేశారు. రెండు లక్షల 90 వేల నగదును స్వాధీనం చేసుకున్నారు.

ఇదీ చూడండివ్యక్తిపై కాదు.. వైద్య వృత్తిపైనే దాడి: చంద్రబాబు