ONLINE CHEATING IN KANIGIRI : ఈడబ్లూటీ యాప్‌తో వైసీపీ ఆన్‌లైన్ మోసం.. పింఛన్లు సైతం స్వాహా..

ONLINE CHEATING IN KANIGIRI : ప్రకాశం జిల్లాలో ప్రజలు దారుణమైన మోసానికి బలయ్యారు. మనం ప్రభుత్వాలు చేసే చాలా రకాల అన్యాయాలను చూసి ఉంటాం. కానీ ఈ తరహా దోపిడీ కొత్తే. అదేంటంటే స్థానిక వైసీపీ నేతలు ఈడబ్లూటీ యాప్ ద్వారా ప్రజల దగ్గర నుంచి భారీగా డబ్బులు నొక్కేశారు. ​

ONLINE CHEATING IN KANIGIRI: వైసీపీ అండదండలతో ఆన్​లైన్​ యాప్​లో పలువురు వృద్ధులను సైతం సభ్యులుగా చేరుస్తూ వారికి వచ్చే పింఛన్ను నొక్కేస్తూ.. వాలంటీర్లు వారిని మోసం చేస్తున్నారు. ఆన్​లైన్​ మోసాలు రోజురోజుకూ మితిమీరిపోతూ సామాన్య, మధ్య తరగతి ప్రజల జీవితాలను చింద్రం చేస్తున్న ఘటలు జరుగున్నాయి. అయినప్పటికీ ప్రజలు అత్యాశకు పోయి ఉన్న సొమ్మును కాస్త ఆన్​లైన్​ యాప్​లలో పెట్టుబడిగా పెట్టి నష్టపోతున్నారు. ఇలాంటి మోసమే ప్రకాశం జిల్లా కనిగిరిలో చోటుచేసుకుంది.

EWT APP THRUOGH CHEATING : కనిగిరి పట్టణానికి చెందిన షేక్ సుల్తాన్ అనే వార్డ్ వాలంటీర్​కు టెలిగ్రామ్​లో వచ్చిన మెసెజ్​ ఆధారంగా ఈడబ్లూటీ యాప్​లో వెయ్యి రూపాయలు చెల్లించి సభ్యత్వ పొందాడు. మొదట్లో ఈ యాప్ ద్వారా మంచి ఆదాయం వస్తుండడం వల్ల స్థానిక ఎమ్మెల్యే కార్యాలయంలో పనిచేసే నలుగురు వ్యక్తులను కూడా ఈ యాప్​లో ప్రధాన పాత్ర పోషించే విధంగా వార్డు వాలంటీర్ సుల్తాన్ ఆశ కల్పించి సభ్యులుగా చేర్చాడు. ఇదే అదునుగా భావించిన స్థానిక ఎమ్మెల్యే కార్యాలయలోని కంప్యూటర్ ఆపరేటర్​తో సహా మరో ముగ్గురు వ్యక్తులు వైసీపీ అధికారాన్ని అడ్డుగా పెట్టుకొని సుమారు 150 మంది వరకు కనిగిరి ప్రాంత వాలంటీర్లను ఈడబ్లూటీ యాప్​లో సభ్యులుగా చేర్చారు. అత్యుత్సాహం ప్రదర్శించిన వాలంటీర్లు కమీషన్లకు ఆశపడి పింఛన్ పొందే లబ్ధిదారులను అధిక మొత్తంలో పెట్టుబడి పెట్టించి ఆన్లైన్​ యాప్​లో భాగస్వామ్యం చేశారు.

స్థానిక ప్రభుత్వ వైద్యశాలకు చెందిన ప్రధాన వైద్యులు, వైద్యశాల సిబ్బంది ఈ యాప్​లో సభ్యులుగా చేరడం గమనార్హం. 1000 రూపాయలు చెల్లించి ఈడబ్ల్యూటీ యాప్​లో సభ్యులుగా చేరిన నాటి నుంచి రోజుకు 30 రూపాయల చొప్పున 150 రోజులపాటు 5400 ల నగదు వస్తుందని ఆశ చూపారు వాలంటర్లు.

'అత్యాశకు పోయిన ఈ యాప్​లో చేరాము. నెల రోజుల పాటు సజావుగా రోజుకు 30 రూపాయలు చొప్పున నగదు వచ్చింది. కానీ గత రెండు రోజులుగా యాప్​ను నిలిచిపోయింది. ఏంటా అని ఆరా తీస్తే అసలు విషయం బయటపడింది. నేను ఈ యాప్​లో నేను చేరాను, నాకు డబ్బులు రావడంతో నాతోపాటు చాలా మంది ఇందులో చేరి చివరకు మోసపోయారు.' సుల్తాన్(వార్డ్ వాలంటీర్, కనిగిరి)

YCP ONLINE CHEATING IN PRAKASAM DISTRICT : ఈ తరహా ఆన్​లైన్​ మోసంపై స్థానిక పోలీస్ స్టేషన్​లో కొందరు బాధితులు ఫిర్యాదు చేసినట్లు సమాచారం. ఏది ఏమైనప్పటికీ ఎంతో ఆర్భాటంగా వైసీపీ ప్రభుత్వం వాలంటీర్ల వ్యవస్థను ఏర్పాటు చేసి వారి ద్వారా వృద్ధుల పింఛన్​ను ఈ విధంగా వసూలు చేస్తూ మోసం చేస్తున్నారని స్థానికులు ఆవేదన వ్యక్తం చేస్తున్నారు.

వాలంటీర్లుగా చేరిన కొందరు అమాయకులు కుట్ర గురించి మాకు తెలియదు. మేము కూడాా నష్టపోయాము. ఆశపడి ఎక్కువ మొత్తం పెట్టుబడులు పెట్టాము . ఇదే అదనుగా తీసుకొని స్థానిక వైసీపీ నేతలు చేసిన నిర్వాకానికి మేము డబ్బు కోల్పోయాము. పోలీసు విచారణ చేపట్టి బాధితులకు న్యాయం చెయ్యాలని కోరుతున్నారు.