ONGOLE: అభివృద్ధికి నోచుకోని శివారు కాలనీలు.. సమస్యల వలయంలో స్థానికులు

ఒంగోలు(ongole). పేరుకే కార్పొరేషన్‌(corporation) కానీ.. అక్కడ కనీస సౌకర్యాలు లేవు. నగరం విస్తరిస్తున్నా అందుకు తగ్గట్టు అభివృద్ధి పనులు(development works) మాత్రం జరగటం లేదు. దీనివల్ల నగర శివారు ప్రాంతాల్లోని కాలనీల్లో నివసించే ప్రజలు సమస్యలు(problems) ఎదుర్కొంటున్నారు. కనీస సౌకర్యాలు కల్పించటంలో అధికారులు నిర్లక్ష్యం వహిస్తున్నారని కాలనీవాసులు ఆరోపిస్తున్నారు.

ప్రకాశం జిల్లా కేంద్రం ఒంగోలు నగర శివారులో 32 కాలనీలు(colonies) ఉన్నాయి. ఒంగోలు జనాభాలో సగం ఈ కాలనీల్లోనే నివాసముంటున్నారు. రాజీవ్‌ కాలనీ, ఇందిరా కాలనీ, బలరాం కాలనీ, కేశవరాజుకుంట, చినమల్లేశ్వర కాలనీ, వెంకటేశ్వర కాలనీ, నాగేంద్రనగర్, విరాట్‌ నగర్ తదితర కాలనీల్లో జనాభా(population) పెరుగుతున్నా కనీస సౌకర్యాలు మాత్రం లేవు. రహదారులు, డ్రైనేజీ వ్యవస్థ లేక శివారు కాలనీల పరిస్థితి దారుణంగా తయారైంది.

రోడ్లపైనే మురుగునీరు...

మురుగునీరు(drinage water) వెళ్లే దారిలేక రోడ్లపైనే నిలిచిపోయి దోమల వ్యాప్తి ఎక్కువైపోతుందని స్థానికులు ఆవేదన వ్యక్తం చేస్తున్నారు. వర్షం కురిస్తే ఇళ్ల ముందు నీరు నిలిచి, బయటకు రాలేని పరిస్థితి ఉంటుందని చెబుతున్నారు. కాలనీల్లోని పాఠశాలల పరిస్థితి అలానే ఉంది. పాఠశాలకు రక్షణ గోడలు(walls) నిర్మించలేదు. మురుగు దొడ్లు(toilets) వంటివి ఏర్పాటు చేయకపోవడం వల్ల విద్యార్థులు(students) తీవ్ర ఇబ్బంది పడుతున్నారని పిల్లల తల్లిదండ్రులు వాపోతున్నారు.

రాకపోకలకు ఇక్కట్లు...

రోడ్ల నిర్మాణం(roads construction) చేపట్టకపోవడం వల్ల ఆ ప్రాంతంలో రాకపోకలకు తీవ్ర ఇబ్బందిగా మారింది. రహదారులు, మురుగు కాలువలు నిర్మించాలని, కనీస సౌకర్యాలు కల్పించాలని అధికారులను ఎన్నిసార్లు వేడుకున్నా ఫలితం లేకుండా పోతోందని కాలనీవాసులు చెబుతున్నారు.

ఇదీచదవండి.