వినాయక నిమజ్జనంలో అశ్లీల నృత్యాలు... గ్రామస్థుల ఆగ్రహం

ప్రకాశం జిల్లా కొత్తపట్నంలో ట్రాన్స్​జెండర్లు చేసిన అశ్లీల నృత్యాలు కలకలం రేపాయి. వినాయక నిమజ్జనం సందర్భంగా... ఏర్పాటు చేసిన వేడుకలో నగ్న నృత్యాలు చేయడంపై గ్రామస్థులు తీవ్ర ఆగ్రహం వ్యక్తం చేశారు.

ప్రకాశం జిల్లా కొత్తపట్నంలో వినాయక నిమజ్జన కార్యక్రమం అశ్లీల నృత్యాలకు వేదికైంది. వినాయక నిమజ్జనంలో కమిటీ సభ్యులు.. ట్రాన్స్​జెండర్లతో నృత్యాలు చేయించారు. గ్రామంలో బహిరంగంగా ఇలా నృత్యాలు చేసినా.. పోలీసులు నియంత్రించలేదని గ్రామస్థులు ఆరోపించారు. దైవకార్యంలో అశ్లీల నృత్యాలు చేయడంపై ఆగ్రహం వ్యక్తం చేశారు. నృత్యం చేస్తున్న దృశ్యాలు సామాజిక మాధ్యమాల్లో వైరల్​గా మారాయి. వినాయక నిమజ్జనంలో అశ్లీల నృత్యాలు చేయడంపై కేసు పెట్టామని పోలీసులు తెలిపారు. నిర్వాహకులపై కఠిన చర్యలు తీసుకుంటామని వెల్లడించారు.

ఇదీచదవండి.