నూతన పద్ధతిలో సాగు... లాభాల్లో రైతులు

ప్రకాశం జిల్లా కనిగిరి ప్రాంతంలో ఒకప్పుడు రైతులు ఆకుకూరల సాగు చేపట్టే వారు. రానురాను పెరిగిన ఎండలు, ఉష్ణోగ్రతల కారణంగా ఆకుకూరలను పండించాలంటే రైతులు అనేక ఇబ్బందులకు గురయ్యేవారు. దీనిని అధిగమించేందుకు రైతులు నూతన పద్ధతిలో షెడ్​ నెట్లను  ఉపయోగించి... సాగు చేపట్టి అధిక లాభాలను పొందుతున్నారు.

ప్రకాశం జిల్లా కనిగిరి మండలం చల్లగిరగల గ్రామంలో ఆకుకూరలు, తీగజాతి కూరగాయల పంటలకు పెట్టిందిపేరు. అందులో భాగంగా ఇక్కడి రైతులు నిత్యం కొత్తిమీర, పాలకూర, తోటకూర, కరివేపాకు పంటలు పండిస్తుంటారు. ఈ రకం పంటలు లాభసాటిగా ఉండటంతో పాటు ఆర్థిక ఇబ్బందులు లేకుండా తక్కువ పెట్టుబడులతో ఆశించిన రాబడి వస్తుండడం వల్ల ఇక్కడి రైతులు ఇటువంటి పంటలపై మక్కువ చూపుతున్నారు. అందులో భాగంగా అధిక ఉష్ణోగ్రతలు, చీడపీడల నివారణకు షెడ్​ నెట్లను నిర్మించి అందులో డ్రిప్​ను ఉపయోగించి కొత్తిమీర, పాలకూర, తోటకూర, వెలుపల కరివేపాకు పంటలను పండిస్తున్నారు.

గతంలో ఇలాంటి పంటలు పండించాలంటే అధిక పెట్టుబడులతో పాటు ఉష్ణోగ్రతలు అనుకూలించక పోవడం వల్ల నాణ్యత తగ్గిపోవడంతో రసాయనిక ఎరువులు వాడవలసి వచ్చేదని... దీనిని అధిగమించేందుకు ఎకరానికి ఒక లక్ష రూపాయల చొప్పున నాలుగు ఎకరాలకు నాలుగు లక్షల వ్యయంతో షెడ్​ నెట్లను నిర్మించి ఎటువంటి రసాయనిక ఎరువులు వాడకుండా ఏడాది పొడవునా ఇలాంటి తక్కువ పెట్టుబడి పంటలను పండించుకొంటూ.. మంచి ఆరోగ్యంతో పాటు మంచి దిగుబడిని పొందుతున్నామని రైతులు తెలిపారు.

ఇదీ చదవండి:'ఆరుతడి పంటలకు సాగర్ నీరు.. విడుదలకు సన్నాహాలు'