కుటీర పరిశ్రమలా నాటుసారా... భార్యాభర్తలే నిందితులు....

ఇంట్లోనే నాటు సారా తయారు చేసి అమ్ముతున్న భార్యాభర్తను చీరాల ఎక్సైజ్ పోలీసులు అదుపులోకి తీసుకొని, సారా తయారీకు సిద్ధంగా ఉంచిన బెల్లం ఊట ధ్వంసం చేశారు.

ప్రకాశం జిల్లా చీరాలలో నాటు సారా తయారు చేస్తున్న ఇంటిపై ఎక్సైజ్ పోలీసులు దాడులు చేశారు. సారా తయారు చేస్తున్న భార్యాభర్తను అదుపులోకి తీసుకున్నారు. చిన్నపోతుల శ్రీను ఇంట్లోనే నాటు సారా చేస్తున్నారనే సమాచారంతో రాత్రి సమయంలో తనిఖీలు చేశారు. భూమిలో పాతిపెట్టిన 200 లీటర్ల బెల్లం ఊట, 10 లీటర్ల నాటు సారా గుర్తించారు. భూమిలో పాతిపెట్టిన బెల్లం ఊట పీపాలు ఉదయాన్నే బయటకు తీసి ధ్వంసం చేశారు.

ఇదీ చదవండి: చోరీ కేసులో యజమాని కూతురే నిందితురాలు..!