ప్రకాశం జిల్లా టంగుటూరు మండలం సూరారెడ్డిపాలెంలో రైల్వే గేటు 199 వద్ద రైల్వే అండర్ బ్రిడ్జి నిర్మాణాన్ని చేపట్టబోయే ప్రాంతాన్ని ఎంపీ మాగుంట శ్రీనివాసులరెడ్డి పరిశీలించారు. రైల్వే అండర్ బ్రిడ్జి కోసం ఎంపీ.. కేంద్ర రైల్వేశాఖ మంత్రి పీయూష్ గోయల్ను ఆయన అభ్యర్థించిన విషయాన్ని గుర్తు చేశారు.
ఈ మేరకు కేంద్రమంత్రి అనుమతి ఇవ్వగా.. జాయింట్ ఇన్స్పెక్టర్ బృందంతో పాటు ఎంపీ మాగుంట శ్రీనివాసుల రెడ్డి క్షేత్ర స్థాయిలో పరిశీలించారు. ఈ రైల్వే అండర్ బ్రిడ్జి నిర్మాణం ద్వారా కొన్ని గ్రామాలకు రాకపోకలు సులభతరం అవుతాయనీ.. త్వరతిగతిన పనులు ప్రారంభించేందుకు పరిశీలన బృందం కృషి చేయాలని ఎంపీ కోరారు.