సచివాలయంలో దురుసుగా ప్రవర్తించిన అధికార పార్టీ ఎమ్మెల్యే బంధువు
Mla Relative Misbehave : ప్రకాశం జిల్లాలోని ఓ వ్యక్తి సచివాలయంలో దురుసుగా ప్రవర్తించాడు. తన తల్లి పింఛన్ ఎందుకు తొలగించారంటూ సచివాలయ సిబ్బందితో దురుసుగా ప్రవర్తించాడు. నేను ఎమ్మెల్యే బంధువునంటూ సచివాలయంలో నానా హంగామా సృష్టించాడు. కార్యాలయంలోని కుర్చీలను ఇష్టమొచ్చినట్లు విసిరేశాడు. సిబ్బంది చెప్పిన వినకుండా దుర్భాషలాడాడు. అధికార పార్టీ ఎమ్మెల్యే బంధువనే కారణంతో.. సిబ్బంది చేసేదేమీ లేక మిన్నకుండిపోయారు.
ప్రభుత్వం ఇటీవల రద్దు చేసిన పింఛన్లలో మార్కాపురం మండలం భూపతిపల్లిలోని పింఛన్లు రద్దయ్యాయి. రద్దైన వాటిలో సూరెడ్డి సత్యనారాయణ రెడ్డి అనే వ్యక్తి తల్లి పింఛన్ కూడా ఉంది. దీంతో ఆగ్రహనికి గురైన సత్యనారాయణ రెడ్డి సచివాలయానికి వెళ్లి హల్చల్ చేశాడు.