ప్రమాదవశాత్తు సాగర్ కాలువలో పడి వ్యక్తి మృతి

మంచినీళ్లు తాగటానికి సాగర్ కాలువలోకి దిగిన వ్యక్తి ప్రమాదవశాత్తు కాలుజారి నీటిలో పడి మృతి చెందాడు. మృతుడు కురిచేడు గ్రామం ఎస్సీ కాలనీకి చెందిన వ్యక్తిగా పోలీసులు గుర్తించారు.

సాగర్ కాలువలో మంచినీటి కోసం దిగుతుండగా కాలుజారి కాలువలో పడి ఓ వ్యక్తి మృతి చెందాడు. కురిచేడు గ్రామం ఎస్సీ కాలనీలో ఈ ఘటన చోటు చేసుకుంది. ఫ్రాన్సిస్ (50) సాయంత్రం సమయంలో మంచినీళ్లు తాగడానికి సాగర్ ప్రధాన కాలువలోకి దిగుతుండగా కాలుజారి పడిపోయాడని ఎస్సై వెల్లడించారు. కాలువలో పడినట్లు గమనించిన స్థానికులు పోలీసులకు సమాచారం అందించారు. సమాచారం అందుకున్న పోలీసులు ఘటనా స్థలానికి చేరుకొని గాలింపు చర్యలు చేపట్టారు. కొంత దూరంలో మృత దేహాన్ని గుర్తించిన పోలీసులు స్థానికుల సహకారంతో ఒడ్డుకు చేర్చారు.

ఇదీ చదవండి: సెల్ టవర్ ఎక్కాడు.. చివరికి 'హామీ' సాధించాడు!