ప్రకాశం జిల్లాలో జోరుగా వర్షం-నీట మునిగిన లోతట్టు ప్రాంతాలు

ప్రకాశం జిల్లా వ్యాప్తంగా పలు ప్రాంతాల్లో భారీ వర్షం కురిసింది. జోరుగా కురిసిన వానకు రహదారులు, లోతట్టు ప్రాంతాలు జలమయమయ్యాయి. పలు కాలనీల్లో వర్షపు నీరు, మురుగు నీరు కలిసి కాలనీలను ముంచెత్తాయి.

ప్రకాశం జిల్లాలోని చీరాల, వేటపాలెం, పర్చూరు, ఇంకొల్లు ప్రాంతాల్లో భారీ వర్షం కురిసింది. చీరాల పట్టణంలోని రహదారులు జలమయమయ్యాయి. ఇంకొల్లు లో గంటపాటు కురిసిన భారీ వర్షానికి లోతట్టుప్రాంతాలు జలమయమయ్యాయి. ఇంకొల్లు ముస్లిం కాలనీలోని ఇళ్లలోకి వర్షపు నీరు చేరింది. డ్రైనేజి కాలువలు ఆక్రమణలకు గురికావటంతో మురుగునీటితో వర్షపునీరు కలిసిపోయి ఇళ్లను ముంచెత్తాయని కాలనీవాసులు ఆరోపిస్తున్నారు. అధికారులు స్పందించి మురుగు కాలువలపై ఉన్న ఆక్రమణలు తొలగించి సమస్య పరిష్కరించాలని స్థానికులు విజ్ఞప్తి చేస్తున్నారు.

ఇవీ చదవండి: మేకల మందను తప్పించబోయి కారు బోల్తా... ముగ్గురికి స్వల్ప గాయాలు