మద్యం మత్తులో బ్లేడుతో శరీరంపై తనకు తాను కోసుకుంటూ...ప్రకాశం జిల్లా చీరాలలో ఓ యువకుడు హంగామా సృష్టించాడు. చీరాల నవాబ్పేటకు చెందిన సయ్యద్ రహీం...గత కొంత కాలంగా పక్షవాతంతో బాధపడుతున్నాడు. దీనికితోడు మతిస్థిమితం కూడా లేదు. ఈ క్రమంలో మద్యం మత్తులో ఉన్న రహీం...ప్రసాద్ థియేటర్ కూడలిలో రోడ్డుపక్కన తన శరీరాన్ని తానే గాయపరచుకున్నాడు. తీవ్ర రక్తస్రావం కావటంతో స్థానికులు, పోలీసులు నిలువరించే ప్రయత్నం చేశారు. 108 వాహనంలో చీరాల ప్రభుత్వ ఆసుపత్రికి తరలించారు.
చీరాల-ఒంగోలు ప్రధాన రహదారిలో ఇటువంటి సంఘటన జరగడంతో ప్రజలు భయాందోళనకు గురయ్యారు. పోలీసులు కేసు నమోదు చేసుకుని దర్యాప్తు చేస్తున్నారు.