అనాథ శవానికి అంత్యక్రియలు.. మానవత్వం చాటుకున్న ఆపద్బంధు ప్రతినిధులు

కరోనా పాజిటివ్​ కేసులే కాదు.. మరణాలూ పెరుగుతున్నాయి. కొవిడ్​తో మరణించిన వారికి అంత్యక్రియలు చేసేందుకు బంధువులు వెనకడుగు వేస్తున్నారు. అనాథల పరిస్థితి మరీ దయనీయం. అలాంటి వారికి అంత్యక్రియలు చేస్తూ..మానవత్వం చాటుతున్నారు ఆపద్బంధు సంస్థ ప్రతినిధులు.

కొవిడ్​తో ఎంతో మంది మరణిస్తున్నారు. అందరూ ఉన్నా.. అనాథలుగా అంత్యక్రియలు చేయాల్సిన దయనీయమైన పరిస్థితులు నెలకొన్నాయి. ప్రకాశం జిల్లా చీరాల మండలం ఈపురుపాలెంలోని బండారు నాగేశ్వరరావు కాలనీకి చెందిన ఓ వ్యక్తి కరోనాతో మృతి చెందారు. ఇతనికి బంధువులు ఎవరూ లేరు. విషయం తెలుసుకున్న ఆపద్బంధు ప్రతినిధులు.. ఆ వ్యక్తికి అంత్యక్రియలు నిర్వహించారు. ప్రజల కష్టాల్లో పాలుపంచుకోటానికి తమ సంస్థ ఎప్పుడూ ముందుంటుందని ప్రతినిధి ఒకరు తెలిపారు.

ఇదీ చదవండి:జీజీహెచ్​కు కొనసాగుతున్న కొవిడ్ రోగుల తాకిడి