Fraud: ట్రస్టు పేరుతో మోసం.. అప్పులు కట్టలేక బాధితుడు ఆత్మహత్యాయత్నం

Suicide Attempt: అమాయకుల నుంచి డబ్బులు కాజేయడానికి రోజుకో అవతారం, పన్నాగం పన్నుతున్నారు కేటుగాళ్లు.. అప్రమత్తంగా ఉండాలని ఓ వైపు అధికారులు, మరోవైపు సామాజిక మాధ్యమాలు హెచ్చరిస్తున్నా.. చాలామంది డబ్బు కోసం మాయగాళ్ల వలలో పడుతూనే ఉన్నారు. ప్రకాశం జిల్లాలో తాజాగా ఇలాంటి ఘటనే వెలుగు చూసింది.

Fraud: ముందు కొన్ని డబ్బులు కడితే.. భారీ మొత్తంలో నిధులు వస్తాయని నమ్మబలికి ఓ అమాయకుడిని మోసం చేశారు కేటుగాళ్లు.. రూ.30 లక్షలు ఇస్తే రూ.18 కోట్లు ఇస్తానంటూ చెప్పిన మాటలకు లొంగి అప్పుతెచ్చి మరీ నగదు చెల్లించాడు. తీరా నెలలు గడుస్తున్నా ఎలాంటి స్పందన లేకపోవడంతో ఆత్యాహత్యాయత్నం చేశాడు బాధితుడు.

మేనేజర్లమంటూ నమ్మించి...

fraud: ప్రకాశం జిల్లా నాగులుప్పలపాడు మండలం మద్దిరాల ముప్పాళ్లకు చెందిన గుడిపాటి శ్రీనివాసరావుకు.. అదే ప్రాంతానికి చెందిన ఆదిత్య శివకుమార్, శారదాదేవి అనే వారితో పరిచయం ఏర్పడింది. వారిద్దరిలో ఒకరు బ్యాంకులో మేనేజర్​గా, మరొకరు బోష్ కంపెనీ మేనేజర్​గానూ పని చేస్తున్నామని నమ్మబలికారు.

fraud: బోష్ కంపెనీలో లక్ష్మీ వెంకటేశ్వర జ్ఞానపీఠం, తిరుపతి శ్రీ సాయి అమృత ఆస్ట్రాలజీ యోగా ట్రస్ట్, పుట్టపర్తి అచలానంద ఆశ్రమం చారిటబుల్ ట్రస్ట్ ఒంగోలులో యోగ మొదలైన ట్రస్టుల పేరుతో రూ.వేల కోట్ల నిధులు బ్యాంకు ఖాతాలో ఉన్నాయని.. వాటిని తీసేందుకు కొంత నగదు చెల్లిస్తే కోట్లల్లో డబ్బులు వస్తాయని నమ్మించారు. వారిలో ఒకరు ట్రస్ట్ మేనేజర్​గా ఉన్నట్లు చెప్పారు. వీటిలో కొన్ని ప్యాకేజీలు కూడా ఉన్నాయని తెలిపారు.

లక్షలు ఇస్తే కోట్లు వస్తాయని...

fraud: రూ.30 లక్షలు చెల్లిస్తే రూ.18 కోట్లు, రూ.40 లక్షలకు రూ.25 కోట్లు, రూ.50 లక్షలకు రూ.200 కోట్లు వస్తాయని ఆశ చూపించారు. దీంతో తన దగ్గర ఉన్న డబ్బులతో పాటు అప్పు చేసి మరీ రూ.30 లక్షలు సమర్పించుకున్నాడు శ్రీనివాసరావు.. ఏడాది గడిచింది ఫోన్ చేస్తే ఇదిగో... అదిగో వస్తున్నాయంటూ నెట్టుకొచ్చారు. తీరా ఏడాది గడిచినా ఎలాంటి లావాదేవీలు జరగకపోవడంతో తీసుకున్న అప్పులు పెరిగిపోయి.. ఏంచేయాలో తోచక బాధితుడు ఆత్మహత్యాయత్నానికి పాల్పడ్డాడు. విషయాన్ని తెలుసుకున్న బంధువులు పోలీసులకు ఫిర్యాదు చేశారు. బాధితుల నుంచి వివరాలు సేకరించి... కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

ఇదీ చదవండి: