దాతల దాతృత్వం.. అన్నార్తుల కళ్లల్లో ఆనందం

లాక్​డౌన్​తో ఉపాధి కోల్పోయిన పేదలు, చిరువ్యాపారులు తీవ్ర ఇబ్బందులు పడుతున్నారు. వీరి అవస్థను గమనించిన పలువురు దాతలు, స్వచ్ఛంద సంస్థలు తమవంతు సహాయం అందిస్తున్నారు. వారికి తోచినంత సహాయం చేస్తూ దాతృత్వాన్ని చాటుకుంటున్నారు.

ప్రకాశం జిల్లాలో...

లాక్​డౌన్ సమయంలో దివ్యాంగులు పడుతున్న ఇబ్బందులను గమనించిన ఇండియన్ రెడ్​క్రాస్ ప్రతినిధులు వారికి ఆపన్నహస్తం అందించారు. ప్రకాశం జిల్లా చీరాల, కొత్తపేటలో దివ్యాంగులకు బియ్యం, నిత్యావసర సరకులు అందించారు. భౌతికదూరం పాటిస్తూ సరకులు పంపిణీ చేశారు.

పశ్చిమగోదావరి జిల్లాలో..

నరసాపురంలో గత కొన్ని రోజులుగా లాక్​డౌన్ కారణంగా ఇబ్బందులు పడుతున్న ఫొటోగ్రాఫర్లకు సీనియర్ న్యాయవాది చదలవాడ జ్ఞాన ప్రకాష్ నిత్యావసర వస్తువులు పంపిణీ చేశారు. పని లేని సమయాన.. రోజు గడవడం ఎంత కష్టంగా ఉంటుందో తనకు తెలుసని అన్నారు.

ఇదీచదవండి.