ప్రకాశం జిల్లా చీరాల సమీపంలో జాతీయ రహదారిపై వెళ్తున్న కారులో అగ్నిప్రమాదం జరిగింది. కొత్తపేట నుంచి వేటపాలెం వైపు వెళ్తుండగా కారులో ఒక్కసారిగా మంటలు చెలరేగాయి. కారు పూర్తిగా దగ్ధమైంది.
షార్ట్ సర్క్యూట్ కారణంగా కారులో మంటలు వ్యాపించాయి. కారు దిగిన డ్రైవర్ అగ్నిమాపక కేంద్రానికి సమాచారం ఇచ్చాడు. ఘటనా స్థలికి చేరుకున్న సిబ్బంది మంటలు అదుపు చేశారు. అప్పటికే కారు దగ్ధమైంది.