అగ్నిప్రమాదం
Fire accident: ప్రకాశం జిల్లా కనిగిరి పట్టణంలోని పామూరు బస్టాండ్ కూడలిలో అగ్నిప్రమాదం జరిగింది. ఈ ప్రమాదంలో రెండు బడ్డీ కొట్లు పూర్తిగా దగ్ధమయ్యాయి. పట్టణంలోని పామూరు బస్టాండ్ కూడలి, ప్రభుత్వ వైద్యశాల సమీపంలో ఘటన చోటు చేసుకుంది. ఘటనాస్థలానికి చేరుకున్న పోలీసులు, అగ్నిమాపక సిబ్బంది మంటలను అదుపు చేశారు. పక్కనే వైద్యశాల ఉండటంతో యుద్ధ ప్రాతిపదికన మంటలు వైద్యశాల వైపుగా వ్యాపించకుండా అదుపు చేయడంతో పెను ప్రమాదం తప్పినట్లైంది. ఈ ప్రమాదంలో రెండు బంకులు పూర్తిగా దగ్ధమయ్యాయి. షార్ట్ సర్క్యూట్ కారణంగానే ఈ ప్రమాదం జరిగి ఉండొచ్చని స్థానికులు చెబుతున్నారు. ఈ ప్రమాదంలో సుమారు మూడు లక్షల మేర ఆస్తి నష్టం వాటిల్లిందని అగ్నిమాపక అధికారి రామకృష్ణ తెలిపారు.