వివాహిత హత్యకేసులో ప్రకాశం జిల్లా చిన్నగంజాం పోలీసులు..గుంటూరు జిల్లా బాపట్లకు చెందిన భార్యభర్తలను అరెస్టు చేశారు. వివాహేతర సంబంధం కారణంగా మహిళను హత్య చేసినట్లు నిందితులు అంగీకరించారు. బాపట్లకు చెందిన ఏసు రక్షణకు విజయకుమారి అనే మహిళకు మధ్య వివాహేతర సంబంధం ఉందని పోలీసులు తెలిపారు. ఈ విషయమై ఏసు రక్షణ, ఆయన భార్య రోజారాణి మధ్య తరచూ గొడవపడుతుండేవారు. విజయకుమారి వివాహేతర సంబంధం కొనసాగించాలని పట్టుబట్టిందని అందుకే హత్య చేశామని ఏసు రక్షణ-రోజారాణి ఒప్పుకున్నారని పోలీసులు తెలిపారు.
