ప్రభుత్వ బడుల్లో మధ్యాహ్న భోజన పథకంలో అందించే కోడిగుడ్లు
ప్రకాశం జిల్లా కనిగిరి నియోజకవర్గంలోని పలు మండలాల్లో ప్రభుత్వ పాఠశాలలకు గుత్తేదారులు తక్కువ బరువున్న గుడ్లు సరఫరా చేస్తున్నారు. ప్రభుత్వ నిబంధనల ప్రకారం మధ్యాహ్నం భోజనంలో విద్యార్థులకు అందించే కోడిగుడ్డు బరువు 40-50 గ్రాముల వరకు ఉండాలి. ప్రస్తుతం అందించే గుడ్లు చాలా చిన్నవిగా..గోలీల మాదిరిగా ఉంటున్నాయి. తీసుకునేందుకు విద్యార్థులు అయిష్టత వ్యక్తం చేస్తున్నారు. కరోనా సమయం కావడంతో ఒకటి నుంచి ఎనిమిది తరగతుల విద్యార్థులకు ఇంటి వద్దకే గుడ్లు పంపిణీ చేస్తున్నారు. 9,10 తరగతుల వారికి పాఠశాలలో భోజన సమయంలో అందిస్తున్నారు.