విద్యుత్ తీగ తగిలి... తెగిపడిన మహిళ తల

కూలీ పని చేసుకుంటూ కుటుంబాన్ని పోషించే ఆ వివాహితకు విద్యుత్ తీగే యమపాశమైంది. తలను తెగనరికి ప్రాణాలు తీసుకెళ్లింది. ప్రకాశం జిల్లా పెద్దదోర్నాల ఏబీఎం పాలెంలో ఈ ఘోరం జరిగింది.

ప్రకాశం జిల్లా పెద్దదోర్నాల ఏబీఎం పాలెంలో ఓ గృహానికి స్లాబ్ వేసే క్రమంలో 11కేవీ విద్యుత్ తీగలు తగిలి శ్యామలత అనే మహిళ తల తెగిపడింది. ఈ ఘటనలో ఆమె అక్కడికక్కడే మృతి చెందింది.

శ్యామలత భర్త ఉపాధి నిమిత్తం హైదరాబాద్ లో ఉన్నాడు. వారికి కుమారుడు, ఇద్దరు కుమార్తెలు. కూలీ చేసుకుంటూ కుటుంబాన్ని పోషించేది శ్యామలత. ఆమె మృతితో కుటుంబంలో విషాదఛాయలు అలుముకున్నాయి.

ఇదీ చూడండి: