సొంత నిధులతో పీపీఈ కిట్లు అందించిన మంత్రి ఆదిమూలపు సురేశ్​

కరోనా సమయంలో వైద్య సేవలు అందించే వారికి తమ వంతు సాయం చేయాలని దాతలకు విద్యాశాఖ మంత్రి ఆదిమూలపు సురేశ్​ పిలుపునిచ్చారు. ప్రకాశం జిల్లా యర్రగొండపాలెంలో కొవిడ్ కేర్ సెంటర్​కు పీపీఈ కిట్లను మంత్రి అందజేశారు.

కరోనా విపత్కర సమయంలో వైద్యసేవలు అందించే వారికి, కొవిడ్​ రోగులకు అవసరమైన సహకారం అందించాలని విద్యాశాఖ మంత్రి ఆదిమూలపు సురేశ్​ పిలుపునిచ్చారు. ప్రకాశం జిల్లా యర్రగొండపాలెం, మార్కాపురంలో 200 పీపీఈ కిట్లను తన సొంత నిధులతో అందజేశారు. యర్రగొండపాలెం ఆస్పత్రికి పది ఆక్సిజన్​ సిలిండర్లను అందించారు. ప్రజలకు ఎటువంటి ఇబ్బందులు తలెత్తకుండా చూడాలని.. అందుకు దాతల సహకారం కూడా అవసరమని మంత్రి అన్నారు. కరోనా బాధితులకు మంచి ఆహారం అందించాలని సిబ్బందికి సూచించారు. భోజనంలో మెనూ అమలు చేయాలని అధికారులను ఆదేశించారు.

ఇదీ చదవండి:కేంద్రం పంపిస్తున్న టీకాలు అదేరోజు ప్రజలకు అందిస్తున్నాం: ఆళ్ల నాని