గిద్దలూరులో సైబర్​ నేరగాళ్ల ఆట కట్టించిన పోలీసులు

ఎల్​ఐసీ బాండ్​ వచ్చింది.. మీ చరవాణికి వచ్చిన ఓటీపీ చెబుతారా అంటూ ఓ ఫోన్​ వస్తుంది. అవునా అంటూ ఠక్కున చెప్పారా.. ఇక మీ సంగతి అంతే. మీ అకౌంట్​లోని నగదు గోవిందా! ఇలా సైబర్​ నేరాలకు పాల్పడుతున్న ఓ ముఠా​ను ప్రకాశం జిల్లా గిద్దలూరు పోలీసులు అదుపులోకి తీసుకున్నారు. వీరిని ఆరా తీయగా అసలు విషయం బయటపడింది.

సైబర్​ నేరాలకు పాల్పడుతున్న ఐదుగురు యువకులను ప్రకాశం జిల్లా గిద్దలూరు పోలీసులు అరెస్ట్​ చేశారు. వారి వద్ద నుంచి లక్ష యాభై వేల నగదు, ఆరు చరవాణిలు స్వాధీనం చేసుకున్నారు. స్థానిక ఆర్టీసీ బస్టాండ్​ దగ్గర నుంచి పలువురికి ఫోన్లు చేస్తూ మోసాలకు పాల్పడుతున్నారు. ఎల్​ఐసీ బీమా బోనస్​ మీ అకౌంట్​కు గానీ, కార్డుకు బదిలీ చేస్తామంటూ మాయమాటలు చెప్పి వారి వివరాలను సేకరించే ప్రయత్నం చేస్తున్నారు. వీటిని గమనించిన పోలీసులు వారిని అదుపులోకి తీసుకున్నట్లు గిద్దలూరు సీఐ సుధాకర్​ రావు తెలిపారు.

ఇదీ చదవండి :