'చీరాల ఆసుపత్రిలో కొవిడ్​ బాధితులకు వైద్యం అందించండి'

జిల్లాలో కొవిడ్​ పాజిటివ్​ కేసులు రోజు రోజుకు పెరుగుతున్నాయి. కొవిడ్​ కేసులతో ఒంగోలు రిమ్స్​ ఆసుపత్రితో సహా మిగతా ప్రైవేటు వైద్యశాలలు నిండినాయి. చీరాలలో ఉన్న వందపడకల ఆసుపత్రికి జిల్లా కలెక్టర్​ చొరవ తీసుకుని సదుపాయాలు అందిస్తే... చీరాల, పర్చూరు, ఇంకొల్లు ప్రాంతాల్లోని బాధితులకు వైద్యం అందుతుందని స్థానికులు అభిప్రాయాలు తెలియజేశారు.

ప్రకాశం జిల్లాలో 257 కేసులు నమోదయ్యాయి. గురువారం వచ్చిన ఫలితాల్లో ఈ విషయాన్ని వైద్యాధికారులు తెలియజేశారు. అందులో చీరాలలో 39 మందికి కరోనా పాజిటివ్​ సోకినట్లు నిర్ధారణ అయ్యింది. దీంతో చీరాల పట్టణానికి వచ్చే రహదారుల్లో పోలీసుల చెక్​పోస్టులు ఏర్పాటు చేశారు. ఒంగోలు రిమ్స్​తో సహా ప్రైవేటు వైద్యశాలలు కొవిడ్​ బాధితులతో బెడ్లు నిండిపోయాయి.

ప్రస్తుతం కరోనా అనుమానితులకు మాత్రమే చీరాల ప్రభుత్వాసుపత్రిలో చికిత్స అందిస్తున్నారు. అయితే వంద పడకలున్న చీరాల ఆసుపత్రిని జిల్లా కలెక్టర్​ చొరవ తీసుకుని వెంటిలేటర్లు, ఆక్సిజన్​ సిలిండర్లు ఏర్పాటు చేస్తే... ఇక్కడ కూడా కొవిడ్​ బాధితులకు వైద్యం అందుతుందని స్థానికులు అభిప్రాయం వ్యక్తం చేస్తున్నారు.

ఇదీ చదవండి :