కరోనా ఎఫెక్ట్​ : ప్రైవేట్​ ఉపాధ్యాయులు భిక్షాటన

విద్యా సంస్థలు తెరుచుకోక పోవడంతో ఆర్ధికంగా ఇబ్బందులు పడుతున్నామని, తమను ప్రభుత్వం ఆదుకోవాలని ప్రైవేట్ ఉపాధ్యాయులు వినూత్నంగా నిరసన తెలిపారు. పలు వృత్తుల వారిని ఆదుకుంటున్న ప్రభుత్వం తమను కూడా ఆదుకోవాలని కోరుతూ జోలిపట్టి భిక్షాటన చేశారు.

లాక్​డౌన్ కారణంగా గత మూడు నెలలుగా విద్యా సంస్థలు తెరుచుకోక పోవడం ప్రైవేట్ ఉపాధ్యాయులు వినూత్నంగా నిరసన వ్యక్తం చేశారు. ప్రకాశం జిల్లా ఒంగోలులో ప్రైవేట్ ఉపాధ్యాయులు భిక్షాటన తెలిపారు. తాము ఆర్ధిక ఇబ్బందుల్లో ఉన్నామని, తమను ప్రభుత్వం ఆదుకోవాలని డిమాండ్​ చేశారు. ప్రైవేట్ విద్యా సంస్థలు కూడా తమను ఆదుకోవడం లేదని, పాఠశాలలు తెరుచుకోక విద్యార్థులు ఫీజులు చెల్లించలేదన్నారు. దీంతో ప్రైవేట్​ కళాశాల, పాఠశాలల్లో తమకు జీతాలు ఇచ్చుకోలేని పరిస్థితి నెలకొందని ఆవేదన వ్యక్తం చేశారు. ప్రభుత్వం వివిధ వృత్తుల వారికి ఆర్ధిక సహాయం చేస్తున్నట్లు, తమకు కూడా ఆర్ధిక సాయం అందించాలని వారు వేడుకొన్నారు.

ఇవీ చూడండి.. :విద్యుత్ షాక్ సర్క్యూట్ తో వరి గడ్డివాములు దగ్ధం