ప్రకాశం జిల్లా ఒంగోలులోని జిల్లా కలెక్టరేట్లో రెవెన్యూ రికార్డులు, రీ సర్వే అంశాలపై రెవెన్యూ అధికారులతో కలెక్టర్ పోలా భాస్కర్ సమీక్ష నిర్వహించారు. గ్రామ, వార్డు, సచివాలయాల పరిధిలోని ప్రామాణికంగా తీసుకుని రెవెన్యూ గ్రామాలను విభజించుకుని రికార్డుల ప్రక్షాళన చేపట్టాలని సూచించారు. జిల్లాలో 1058 రెవెన్యూ గ్రామాలు ఉండగా 112 రెవెన్యూ గ్రామాల్లోని రికార్డుల్లో లోపాలున్నట్లు రెవెన్యూ అధికారులు కలెక్టర్ దృష్టికి తీసుకెళ్లారు. లింగ సముద్రం, చీమకుర్తి మండలాల్లో ఇలాంటి గ్రామాలు ఎక్కువగా ఉన్నాయన్నారు.
సమన్వయంతో పనిచేయాలి..
ఇలాంటి గ్రామాలపై ప్రత్యేక దృష్టి పెట్టి నిశిత పరిశీలన చేసి ఒక స్టాండర్డ్‌ డాక్యూమెంట్లను తయారు చేయాలని కలెక్టర్ ఆదేశించారు. కార్యక్రమాన్ని సమగ్రంగా, స్పష్టంగా పూర్తి చేయడానికి తహసీల్దార్లతో సమన్వయంతో పని చేయాలని ఆర్డీఓలకు దిశానిర్ధేశం చేశారు. సర్వేయర్లు, వీఆర్ఓలు లేని గ్రామాల్లో పక్క గ్రామాల సిబ్బంది సహకారంతో పూర్తి చేయాలని ఆదేశించారు.