వేటపాలెంలో చౌడేశ్వరి అమ్మవారి ఉత్సవాలు ప్రకాశం జిల్లా వేటపాలెంలోచౌడేశ్వరి అమ్మవారి జాతరవైభవంగా ప్రారంభమైంది. మహాశివరాత్రి సందర్భంగా ఆరు రోజులు ఉత్సవాలుజరగనున్నాయి. శివరాత్రికి ఒకరోజు ముందుగా వేడుక ప్రారంభిచడం ఇక్కడి ఆనవాయితీ. చీరాల, వేటపాలెంతో పాటు ఇతర ప్రాంతాల నుంచి ఇప్పటికే వేలాదిగా భక్తులు తరలివచ్చారు. విద్యుత్ దీపాలతో ఆలయాన్ని సుందరంగా అలంకరించారు. నెయ్యి, పిండితో తయారుచేసిన కుంచంలో జ్యోతిని పెట్టి అమ్మవారిని ఊరేగించారు. భక్తులు కత్తులతో పొడుచుకుంటు పరాక్ నిర్వహించారు. అమ్మవారికి రక్తతర్పణం చేశారు. పెద్దఎత్తున బాణాసంచా కాల్చారు.
