విషాదం.. స్టీరింగ్​పైనే కుప్పకూలిన డ్రైవర్

ప్రకాశం జిల్లా ఒంగోలులో విషాదం జరిగింది. పొదిలి డిపోకు చెందిన బస్సును హనుంతరావు అనే డ్రైవర్ విజయవాడ వైపు తీసుకెళ్తున్నారు. బస్సు ఒంగోలు చేరుకొని ప్రయాణికులు దిగుతుండగా... హనుమంతరావు స్టీరింగ్​ పైనే కుప్పకూలారు.

ఆర్టీసీ డ్రైవర్ బస్సు స్టీరింగ్ మీదే పడి మృతిచెందిన విషాదకర సంఘటన ప్రకాశం జిల్లా ఒంగోలులో జరిగింది. పొదిలి డిపోకు చెందిన డ్రైవర్ డి.హనుమంతరావు బస్సును విజయవాడ తీసుకెళ్తున్నారు. ఒంగోలు బస్టాండ్​కు చేరుకున్నాక ప్రయాణికులు దిగుతున్నారు.

అదే సమయంలో.. హనుమంతరావు స్టీరింగ్ మీదే కుప్పకూలారు. అక్కడున్నవారు గమనించి అధికారులకు తెలియజేశారు. అప్పటికే హనుమంతరావు చనిపోయడని తెలిసింది. హనుమంతరావు స్వగ్రామం చీమకుర్తిగా అధికారులు గుర్తించారు.