Boat races in prakasam: సంక్రాంతి సంబరాల్లో భాగంగా ప్రకాశం జిల్లా వేటపాలెం మండలం పొట్టిసుబ్బయ్యపాలెంలో తెప్పల పోటీలు నిర్వహించారు. చీరాల, వేటపాలెం, బాపట్ల మండలాల్లోని 30 మత్స్యకార గ్రామాలకు చెందిన మత్స్యకారులు ఈ పోటీల్లో పాల్గొన్నారు. సముద్రంలో హోరాహోరిగా జరిగిన పడవల పోటీల్లో.. కోడూరివారిపాలానికి చెందిన నాగరాజు మొదటి బహుమతిగా రూ.10 వేలు గెలుపొందారు.
ప్రకాశంలో పడవల పోటీలు
సముద్రంలో పడవల పోటీలు తిలకించేందుకు ప్రజలు పెద్దఎత్తున తరలివచ్చారు. ఈ పోటీలు ఏర్పాటు చేయడం వల్ల మత్స్యకారుల్లో పోటీతత్వం ఏర్పడుతుందని.. రాష్ట్ర మత్స్యకార సంక్షేమ సమితి అధ్యక్షుడు పొలంగారి పోలయ్య అన్నారు.