అక్రమంగా మద్యం విక్రయిస్తున్న వ్యక్తి అరెస్ట్

అక్రమంగా మద్యం అమ్ముతున్నారనే సమాచారంతో ప్రకాశం జిల్లా కొరిసపాడు మండలం దైవాలరావూరు గ్రామంలో పోలీసులు తనిఖీలు చేశారు. గ్రామంలోని ఓ వ్యక్తి ఇంట్లో నుంచి 480 మద్యం ప్యాకెట్లను పోలీసులు స్వాధీనం చేసుకున్నారు.

ప్రకాశం జిల్లా కొరిసపాడు మండలం దైవాలరావూరు గ్రామంలో అక్రమంగా మద్యం అమ్ముతున్నారనే సమాచారంతో పోలీసులు దాడులు నిర్వహించారు. గ్రామానికి చెందిన మద్దినేని గోపి అనే వ్యక్తి నుంచి 480 మద్యం ప్యాకెట్లను స్వాధీనం చేసుకున్నారు. కర్ణాటకకు చెందిన 90 మి.లీ మద్యం ప్యాకెట్లను గుర్తించినట్లు ఎస్సై ఖాదర్ బాషా తెలిపారు. కేసు నమోదు చేసి దర్యాప్తు చేపట్టినట్లు వెల్లడించారు.

ఇదీ చదవండి: