ఆటో బోల్తా పడి యువకుని మృతి.. ఒకరికి గాయాలు

ఆటో బోల్తా పడి ఓ యువకుడు మృతి చెందిన ఘటన ప్రకాశం జిల్లా వెలిగండ్ల మండలంలో జరిగింది. ఈ ప్రమాదంలో మరో వ్యక్తికి గాయాలు కాగా.. బాధితుడు ఆస్పత్రిలో చికిత్స పొందుతున్నాడు. దీనిపై పోలీసులు కేసు నమోదు చేసి దర్యాప్తు చేస్తున్నారు.

ప్రకాశం జిల్లా వెలిగండ్ల మండలం మరపగుంట్ల గ్రామ సమీపం వద్ద ఆటో బోల్తా పడిన ఘటనలో ఓ యువకుడు మృతి చెందగా.. వాహన చోదకుడికి తీవ్ర గాయాలయ్యాయి. కనిగిరి మూడో వార్డుకు చెందిన బండి నవీన్​ కొత్త ఆటో కొన్నాడు. తన స్నేహితుడైన అల్లూరయ్యను ఆటోలో ఎక్కించుకుని మరపగుంట్ల వెళ్తుండగా ఆటో అదుపు తప్పి బోల్తా పడింది.

ఈ ప్రమాదంలో అల్లూరయ్య అక్కడికక్కడే ప్రాణాలు కోల్పోగా.. నవీన్​కు తీవ్ర గాయాలయ్యయి. బాధితుణ్ని స్థానికులు కనిగిరి ప్రభుత్వ వైద్యశాలకు తరలించారు. పోలీసులు కేసు నమోదు చేసి దర్యాప్తు చేస్తున్నారు.

ఇదీ చూడండి..