ఉదయగిరిలో సున్నా వడ్డీ పథకాన్ని ప్రారంభించిన ఎమ్మెల్యే మేకపాటి

రాష్ట్ర ప్రభుత్వం ప్రవేశపెట్టిన పొదుపు సంఘాలకు సున్నా వడ్డీ పథకాన్ని నెల్లూరు జిల్లా ఉదయగిరిలో స్థానిక ఎమ్మెల్యే ప్రారంభించారు. ప్రజల సంక్షేమమే ధ్యేయంగా రాష్ట్ర ప్రభుత్వం పని చేస్తోందని ఎమ్మెల్యే చంద్రశేఖర్​రెడ్డి అన్నారు.

పొదుపు సంఘాలకు రాష్ట్ర ప్రభుత్వం మంజూరు చేసిన సున్నా వడ్డీ పథకం మంజూరు పత్రాలను నెల్లూరు జిల్లా ఉదయగిరిలో స్థానిక ఎమ్మెల్యే మేకపాటి చంద్రశేఖర్​రెడ్డి ప్రారంభించారు. నియోజకవర్గంలోని ఎనిమిది మండలాల్లో ఉన్న 4,724 పొదుపు బృందాలకు ప్రభుత్వం రూ.9.89 కోట్ల రుణాలను మంజూరు చేసిందని తెలిపారు. రాష్ట్ర ముఖ్యమంత్రి వైఎస్ జగన్​.. ప్రజా సంక్షేమమే ధ్యేయంగా పని చేస్తున్నారని చంద్రశేఖర్​రెడ్డి తెలిపారు. రాష్ట్రంలో ఆర్థిక ఇబ్బందులు ఉన్నప్పటికీ ప్రజలకు ఇచ్చిన ప్రతి హామీని నిలబెట్టుకునే విధంగా పరిపాలిస్తున్నారని పేర్కొన్నారు. వైఎస్సార్ బీమా పథకంలో భాగంగా 17 మందికి మంజూరైన రూ.30 లక్షల చెక్కులను అందజేశారు.

ఇదీచదవండి.