నకిలీ బంగారం కేసులో నిందితుడి అరెస్ట్
నెల్లూరు జిల్లా కావలిలోని ఇందిరానగర్ లో నివాసముండే రాజేశ్... జులైలో ముత్తూట్ ఫైనాన్స్ లో నకిలీ బంగారం తనఖా పెట్టి లక్షా నలభై ఒక్క వేల రూపాయల్ని తీసుకున్నాడు. కొంత కాలం తర్వాత సంస్థ సిబ్బందికి ఆ బంగారం నకిలీదని అనుమానం వచ్చింది. వెంటనే పోలీసులకు ఫిర్యాదు చేశారు. కేసు నమోదు చేసుకున్న పోలీసులు నిందితుడిని అరెస్టు చేశారు. చేసిన తప్పును నిందితుడు అంగీకరించాడు. అతడిపై చట్ట ప్రకారం చర్యలు తీసుకుంటామని పోలీసులు చెప్పారు.