TDP Minorities Rally: నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి అరాచకంగా వ్యవహరిస్తున్నారంటూ తెలుగుదేశం పార్టీ మైనార్టీ విభాగం నిరసన ర్యాలీ చేపట్టారు. నగరంలోని వీఆర్సీ సెంటర్ నుంచి కలెక్టర్ కార్యాలయం వరకు ర్యాలీ నిర్వహించారు. వైసీపీ ప్రభుత్వ హయాంలో మైనారిటీలపై దాడులు పెరిగిపోతున్నాయని ఆందోళన వ్యక్తం చేశారు. మైనార్టీ నాయకుడు అల్లాభక్షుపై ఎమ్మెల్యే దాడి చేయించి, బాధితులపైనే తిరిగి కేసులు పెట్టించారని ఆరోపించారు. దాడులు చేసిన వారిపై చర్యలు తీసుకుని, అక్రమ కేసులు ఎత్తివేయాలంటూ డిమాండ్ చేశారు. దాడుల సంస్కృతి విడనాడకుంటే రానున్న ఎన్నికల్లో వైసీపీకి తగిన గుణపాఠం చెబుతామని హెచ్చరించారు.
హబిబా, ముస్లిం మైనారిటీ మహిళా నాయకురాలు