'దుకాణాల కూల్చివేతతో నష్టపోయిన కార్మికులను ఆదుకోండి'

నెల్లూరు జిల్లా ఆటోనగర్ వద్ద దుకాణాలు కూల్చివేసిన కారణంగా.. నష్టపోయిన కార్మికులను ఆదుకోవాలని నెల్లూరు తెదేపా అధ్యక్షులు అబ్దుల్ అజీజ్ డిమాండ్ చేశారు. కార్మికుల పట్ల అధికారులు దారుణంగా వ్యవహరించారని ఆరోపిస్తూ.. ఈ విషయమై కలెక్టర్ చక్రధర్ బాబుకు వినతిపత్రం అందజేశారు.

నెల్లూరు జిల్లా ఆటోనగర్ వద్ద దుకాణాలు కూల్చేయడంతో నష్టపోయిన కార్మికులకు ప్రత్యామ్నాయం చూపాలని... నెల్లూరు తేదేపా పార్లమెంట్ అధ్యక్షులు అబ్దుల్ అజీజ్ డిమాండ్ చేశారు. ఈ మేరకు జిల్లా పాలనాధికారి చక్రధర్ బాబుకు వినతిపత్రం అందజేశారు. కార్మికుల పట్ల అధికారులు దారుణంగా వ్యవహరించారన్నారు.

కనీసం రెండు గంటల సమయం కూడా ఇవ్వకుండా దుకాణాలు ధ్వంసం చేశారని ఆయన కలెక్టర్​కు తెలిపారు. రోడ్డు పక్కన దుకాణాలు ఏర్పాటు చేసుకుని 30 ఏళ్లుగా జీవనం సాగిస్తున్న వారిని ఇలా చేయడం బాధాకరమన్నారు. వైకాపా నాయకులు విద్వేషాలు రెచ్చగొట్టేలా ప్రవర్తిస్తున్నారని ఆరోపించారు.

ఇదీ చదవండి: