నీటి గుంతలో నాగుపాములు

నీటి గుంత నుంచి దుర్వాసన వస్తుందని గుంతలోకి తొంగి చూశారా రైతులు. అక్కడ చూస్తే శునకం మృతదేహం కనిపించింది. దాన్ని పూడ్చి పెట్టేందుకు కిందికు దిగబోతే పాములు కనిపించాయి. తరువాత ఏం జరిగిందో చదివేయండి...

సంగం మండలం అరవపాళెంలో మిరపతోటకు నీరు పెట్టుకునేందుకు ఓ నీటి గుంతను తవ్వారు అక్కడి రైతులు. ఆ గుంత నుంచి దుర్వాసన రావటంతో... అందులోకి తొంగి చూశారు. కుక్కపిల్ల మృతదేహం కనిపించగా పూడ్చేందుకు సిద్ధమయ్యారు. గుంతలోకి అడుగుపెట్టగానే బుసలు కొడుతూ రెండు నాగుపాములు పైకి లేచాయి. అంతే... ఆ రైతు పైప్రాణాలు పైనే పోయాయి. పాములు బయటకు తీసే ధైర్యం లేక, వాటిని దైవంగా భావించి చంపకుండా వదిలేశామని రైతులు చెప్పారు. ఆ పాములను గుంతలోనుంచి బయటకు తీసి తమను రక్షించాలని స్థానికులు కోరుతున్నారు.

ఇదీ చదవండి: నిధుల జాప్యం.. కావలి మంచినీటి పథకం ఆలస్యం