నాణ్యత, పారదర్శకతలకు ఎక్కువ ప్రాధాన్యత ఇవ్వడం వల్లే ఇస్రో విజయవంతంగా ప్రయోగాలు చేస్తోందని ఇస్రో ఛైర్మన్ శివన్ అన్నారు. నెల్లూరు జిల్లా శ్రీహరి కోటలోని సతీష్ ధవన్ అంతరిక్ష కేంద్రంలో 'యువిక-2019' కార్యక్రమంలో పాల్గొని.. విద్యార్థులతో ముఖాముఖిలో మాట్లాడారు. వారు అడిగిన వివిధ ప్రశ్నలకు సమాధానమిచ్చారు. భారత అంతరిక్ష పరిశోధనా సంస్థ ఆధ్వర్యంలో ఈ కార్యక్రమం నిర్వహిస్తున్నామనీ.. వివిధ రంగాల్లో విద్యార్థులను మెరికలుగా తయారు చేయడమే దీని లక్ష్యమని వివరించారు. యువత వచ్చిన అవకాశాలను అందిపుచ్చుకుని దేశాభివృద్ధికి పాటుపడాలని సూచించారు. గగన్యాన్ ప్రయాణం భూమికి 450 కిలోమీటర్ల దూరంలో వారంరోజులపాటు జరుగుతుందని పేర్కొన్నారు. ఆసక్తి ఉంటే ప్రతి విద్యార్థి శాస్త్రవేత్త కాగలరన్నారు. అంతరిక్ష శకలాల నష్టాలను శాశ్వతంగా పరిష్కరించేందుకు కృషి జరుగుతుందని తెలిపారు.
షార్లో 'యువిక-2019'.. ముఖ్య అతిథిగా 'శివన్'
భారత ప్రభుత్వ దూరదృష్టిలో భాగంగా.. భారత అంతరిక్ష పరిశోధనా సంస్థ ఆధ్వర్యంలో నెల్లూరు జిల్లా సతీష్ ధవన్ అంతరిక్ష కేంద్రంలో యువిక-2019 కార్యక్రమాన్ని నిర్వహించారు. ఇస్రో ఛైర్మన్ శివన్ ముఖ్య అతిథిగా పాల్గొన్నారు.
షార్లో 'యువిక-2019'.. ముఖ్యఅతిథిగా 'శివన్'