నెల్లూరు జిల్లా నాయుడుపేట జాతీయ రహదారిపై అక్రమంగా తరలిస్తున్న వెయ్యి ఉప్పుడు బియ్యం బస్తాలను అధికారులు స్వాధీనం చేసుకున్నారు. రెండు లారీలలో అక్రమంగా రవాణా చేస్తున్నారని జిల్లా ఉన్నతాధికారులకు సమాచారం అందింది. వారి ఆదేశాలు మేరకు స్థానిక అధికారులు తనిఖీ చేసి జీఎస్టీ పత్రాలు సరిగ్గా లేవని గుర్తించారు. స్థానిక సివిల్ సప్లై గోదాము వద్దకు రెండు లారీలను తరలించారు.
తమిళనాడులోని చెన్నై సివిల్ సప్లై ద్వారా కాకినాడ మిల్లుకు ఉప్పుడు బియ్యం అక్రమంగా తరలిస్తున్నట్లు అధికారులు భావిస్తున్నారు. ఉన్నతాధికారుల నుంచి తదుపరి ఆదేశాలు వచ్చే వరకు వాహనాలను స్వాధీనంలో ఉంచుతామని తెలిపారు.