వేర్వేరు రోడ్డు ప్రమాదాల్లో ఏడుగురికి గాయాలు

నెల్లూరు, తూర్పుగోదావరి జిల్లాల్లో జరిగిన వేర్వేరు ప్రమాదాల్లో ఏడుగురికి గాయాలయ్యాయి. నెల్లూరు జిల్లా బుచ్చిరెడ్డి పాలెం మండలంలో ట్రాక్టర్​ను...మినీ లారీ ఢీకొట్టడంతో రాజేశ్ అనే వ్యక్తి కాలికి తీవ్ర గాయమైంది. తూర్పుగోదావరి జిల్లా ప్రత్తిపాడు వద్ద జరిగిన ప్రమాదంలో ఆరుగురికి గాయాలయ్యాయి.

నెల్లూరు జిల్లా బుచ్చిరెడ్డి పాలెం మండలం కాగులపాడు గ్రామంలో ప్రమాదం జరిగింది. వడ్ల లోడుతో వెళ్తున్న ట్రాక్టర్​ను.. మినీలారీ ఢీకొట్టింది. వేగంగా వాహనాలు ఢీ కొనటంతో ట్రాక్టర్​ను.. లారీ కొంత దూరం వరకు ఈడ్చుకు వెళ్లింది. ట్రాక్టర్ డ్రైవర్ రాజేశ్​కు కాలికి తీవ్ర గాయం కావటంతో అతన్ని ఆస్పత్రికి తరలించారు. ప్రమాదం దాటికి రహదారిపై వడ్లు చెల్లాచెదురుగా పడ్డాయి.

తూర్పుగోదావరి జిల్లాలో..

తూర్పుగోదావరి జిల్లా ప్రత్తిపాడు వద్ద ప్రమాదం జరిగింది. రాజమహేంద్రవరం వైపు వెళ్తున్న ఓ ఇన్నోవా కారును, మూడు ద్విచక్రవాహనాలను.. మరో కారు ఢీకొట్టింది. ఈ ప్రమాదంలో ఆరుగురికి గాయాలయ్యాయి. కారు పల్టీలు కొట్టినప్పటికీ ఎయిర్ బ్యాగ్స్​ తెరుచుకోవటంతో పెను ప్రమాదం తప్పింది. గాయపడిన వారిని ప్రత్తిపాడు ప్రభుత్వ ఆస్పత్రికి తరలించారు.

ఇదీ చదవండి: