భారత అంతరిక్ష పరిశోధన కేంద్రం శ్రీహరికోటలోని షార్ నుంచి పీఎస్ఎల్వీ- సీ49 ప్రయోగం జరిపేందుకు శాస్త్రవేత్తలు సర్వం సిద్ధం చేస్తున్నారు. నవంబరు 7న మధ్యాహ్నం 3.02 గంటలకు ప్రయోగం జరిపేలా సన్నద్ధం చేయాలని సమావేశంలో నిర్ణయించారు. ప్రయోగం విజయవంతం చేసేందుకు శాస్త్రవేత్తలు తమ పనుల్లో నిమగ్నమయ్యారు.
పీఎస్ఎల్వీ- సీ49 ద్వారా మన దేశానికి చెందిన ఈవోఎస్- 01(రీశాట్-2బీఆర్2)తో పాటు విదేశాలకు చెందిన 9 ఉపగ్రహాలను నిర్ణీత కక్ష్య లో ప్రవేశ పెట్టనున్నారు. కరోనా కారణంగా ఎవ్వరికీ ప్రవేశం లేకుండా అధికారులు గట్టి చర్యలు తీసుకుంటున్నారు. సందర్శకులు, మీడియాకు అనుమతి లేకుండా ప్రయోగం జరుగుతుందని ఇస్రో ప్రకటించింది.