నెల్లూరు జిల్లా గూడూరు అదిశంఖర కళాశాల సమీపంలో జాతీయ రహదారిపై రోడ్డు ప్రమాదం చోటుచేసుకుంది. ఈ ప్రమాదంలో సూళ్లూరుపేట ఎంపీడీఓ నర్మద దుర్మరణం చెందారు. ముందు వెళుతున్న లారీని.. కారు ఢీ కొట్టడంతో ఈ ఘటన జరిగింది.
నెల్లూరు నుంచి కారులో ఎంపీడీఓ నర్మద, ఆమె భర్త, కుమారుడితో కలసి సూళ్లూరుపేటకు వెళుతుండగా ప్రమాదం జరిగింది. ఈ ప్రమాదంలో ఆమె భర్త, కొడుకు తీవ్రంగా గాయపడ్డారు. స్థానికుల సమాచారంలో అక్కడికి చేరుకున్న పోలీసులు.. ప్రమాదంలో గాయపడిన క్షతగాత్రులను గూడూరు ఏరియా ఆసుపత్రికి 108 వాహనంలో తరలించారు. ఘటన పై పోలీసులు కేసు నమోదు చేసి దర్యాప్తు చేస్తున్నట్లు గూడూరు రూరల్ ఎస్సై బ్రహ్మనాయుడు తెలిపారు.