ఉషారాణిని పరామర్శించిన ఎమ్మెల్యే కాకాని గోవర్ధన్ రెడ్డి

నెల్లూరు ఏపీ టూరిజం హోటల్ కార్యాలయంలో దివ్యాంగ మహిళా ఉద్యోగిపై జరిగిన దాడి బాధాకరమని ఎమ్మెల్యే కాకాని గోవర్ధన్ రెడ్డి అన్నారు. పట్టణంలోని టూరిజం హోటల్​కి వెళ్లి బాధిత మహిళ ఉషారాణిని ఆయన పరామర్శించారు.

సభ్యసమాజం సిగ్గుపడేలా ఓ దివ్యాంగ మహిళపై దాడి జరిగిందని ఎమ్మెల్యే కాకాని గోవర్ధన్ రెడ్డి ఆవేదన వ్యక్తం చేశారు. నగరంలోని టూరిజం హోటల్​కి వెళ్లి ఉషారాణిని ఆయన పరామర్శించారు. బాధితురాలికి అన్ని విధాలా అండగా ఉంటామని ఎమ్మెల్యే అన్నారు. ప్రభుత్వం ఈ ఘటనను తీవ్రంగా పరిగణిస్తోందని, నిందితుడైన డిప్యూటీ మేనేజర్ భాస్కర్ పై కఠిన చర్యలు తీసుకుంటామన్నారు.

ఈ ఘటనపై పూర్తిస్థాయిలో విచారణ జరిపించాలని ఉన్నతాధికారులను కోరామన్నారు. దాడికి పాల్పడిన భాస్కర్​ను సస్పెండ్ చేయడం కాకుండా, డిస్మిస్ చేసేలా ప్రభుత్వం ఉత్తర్వులు జారీ చేయాలని కోరారు.

ఇదీ చూడండి.కరోనాతో కుమారుడు... కలతతో తండ్రి మృతి... అంత్యక్రియలు చేసింది ఖాఖీ.!