నెల్లూరు జిల్లాలోని ప్రాజెక్టులను త్వరితగతిన పూర్తి చేసేందుకు కృషి చేస్తున్నామని... రాష్ట్ర జలవనరుల శాఖ మంత్రి అనిల్ కుమార్ యాదవ్ వెల్లడించారు. నెల్లూరు ఎంపీ ఆదాల ప్రభాకర్ రెడ్డి, మాజీఎంపీ మేకపాటి రాజమోహన్ రెడ్డితో కలిసి సంగం బ్యారేజీ నిర్మాణ పనులను ఐటీ, ఇరిగేషన్ శాఖ మంత్రులు మేకపాటి గౌతం రెడ్డి, అనిల్ కుమార్ యాదవ్ పరిశీంచారు.
ఈ సందర్భంగా గౌతమ్ రెడ్డి మాట్లాడుతూ... సంగం బ్యారేజి నిర్మాణ పనులపై గత ప్రభుత్వం శీతకన్ను వేసిందని విమర్శించారు. అతి త్వరలో ప్రాజెక్టు నిర్మాణాన్ని పూర్తిచేసి సాగు, తాగునీరు అందిస్తామని వెల్లడించారు. టూరిజం కేంద్రంగానూ అభివృద్ధి చేస్తామని తెలిపారు. మంత్రి అనిల్కుమార్ యాదవ్ మాట్లాడుతూ... మే లోపు పెన్నా బ్యారేజీ పనులను... అక్టోబర్లోపు సంగం బ్యారేజీ నిర్మాణ పనులను పూర్తిచేసి ముఖ్యమంత్రి జగన్ చేతుల మీదుగా ప్రారంభిస్తామని తెలిపారు. సోమశిల హైలెవల్ కెనాల్ పనులనూ వేగవంతంగా పూర్తి చేస్తామని హామీ ఇచ్చారు.
ఇదీ చదవండి:మతిస్థిమితం లేని జంటకు పెళ్లి.. సైకిల్పై ఊరేగింపు