నెల్లూరులో వలస కూలీల అవస్థలు

లాక్‌డౌన్ మరికొంతకాలం పొడిగించడంతో వలస కూలీలు తీవ్ర ఇబ్బందులు ఎదుర్కొంటున్నారు. దాదాపు నెలరోజులకు పైగా ఉపాధి లేక కూలీలు పస్తులుంటున్నారు. అయితే వారి స్వస్థలాలకు పంపాలంటూ కేంద్రం, రాష్ట్రాలు అనుమతులిచ్చినా... జిల్లాలో ఈ ప్రక్రియ కొలిక్కిరాలేదు. దాంతో వారు తీవ్ర ఇబ్బందులు ఎదుర్కొంటున్నారు.

తినడానికి తిండిలేక... ఉండటానికి చోటులేక వలస కూలీలు ఇక్కట్లు పడుతున్నారు. నెల్లూరు జిల్లాలో ఇతర రాష్ట్రాలకు చెందిన వలస కార్మికులు 4వేల మందిని అధికారులు గుర్తించారు. వారి స్వస్థలాలకు పంపించేందుకు కేంద్ర, రాష్ట్ర ప్రభుత్వాలు అనుమతులు ఇచ్చాయి. జిల్లాలో ఈ ప్రక్రియ కొలిక్కిరాక వారంతా ఇబ్బందులు పడుతూ... కార్యాలయాల చుట్టూ తిరుగుతున్నారు. స్వస్థలాలకు పంపాలంటూ అధికారులను వేడుకుంటున్నారు.

ఇవీ చదవండి...కర్నూలు జిల్లాలో కొనసాగుతోన్న కరోనా ఉద్ధృతి