నెల్లూరు జిల్లా వైకాపాలో వర్గ విభేదాలు
leadership war continues among the YSRCP: నెల్లూరు జిల్లా ఉదయగిరి నియోజకవర్గం వైసీపీలో రోజురోజుకీ వర్గ విభేదాలు భగ్గుమంటున్నాయి. ఎమ్మెల్యే మేకపాటి చంద్రశేఖర్ రెడ్డి, ఉదయగిరి మాజీ ఎంపీపీ చేజర్ల సుబ్బారెడ్డి మధ్య వివాదం ముదిరిపాకానపడుతోంది. తాజాగా నియోజకవర్గంలోని ఉదయగిరి, దుత్తలూరు, వరికుంటపాడు ప్రాంతాల్లో నూతన సంవత్సరం సందర్భంగా చేజర్ల సుబ్బారెడ్డి ఏర్పాటు చేసిన ఫ్లెక్సీలను గుర్తు తెలియని వ్యక్తులు చించివేశారు. దీంతో చేజర్ల సుబ్బారెడ్డి ఎమ్మెల్యేపై ఆగ్రహం వ్యక్తం చేశారు. ఫ్లెక్సీ ఘటనపై ఉదయగిరి, వరికుంటపాడు, దుత్తలూరు పోలీస్టేషన్లలో ఫిర్యాదు చేశారు. ఇందుకు బాధ్యులైన వారిని వెంటనే అరెస్టు చేసి శిక్షించాలని కోరుతూ దుత్తలూరులోని 565 జాతీయ రహదారిపై బైఠాయించి నిరసన వ్యక్తం చేశారు.