నెల్లూరు జిల్లాలోని ఆల్తూర్పాడు రిజర్వాయర్ పనులు సంవత్సరంలోగా పూర్తి చేస్తామని కండలేరు జలాశయం ఈఈ విజయ్ కుమార్ రెడ్డి తెలిపారు. రూ. 340 కోట్లతో జరుగుతున్న ఈ రిజర్వాయర్ పనులు పూర్తయితే... 216 చెరువులకు, 90 వేల ఎకరాలకు నీరందుతుందని అన్నారు.
గత ప్రభుత్వం 15, 16 ,17 ప్యాకేజీ కింద నిధులు మంజూరు చేసిందని... అటవీ శాఖ అనుమతులు రాని కారణంగా 15, 16 ప్యాకేజీలను రద్దుచేసి... 17వ ప్యాకేజీ కింద పనులు జరుగుతున్నాయని చెప్పారు. సాధ్యమైనంత త్వరగా రైతులకు నీరు అందిస్తామన్నారు.