నేతన్న నేస్తంలో పేర్ల తొలగింపు.. గూడూరులో చేనేత కార్మికుల నిరసన

వైఎస్సార్ నేతన్న నేస్తంలో గత సంవత్సరం లబ్ధిపొందినవారందరికీ ఈ ఏడాది కూడా సహాయం అందించాలని చేనేత సంక్షేమ సంఘం నాయకులు శ్రీనివాసులు డిమాండ్ చేశారు. నెల్లూరు జిల్లా గూడూరు మున్సిపాలిటీ పరిధిలోని చెన్నూరులో సచివాలయం వద్ద చేనేతలు నిరసన తెలిపారు.

వైఎస్సార్​ నేతన్న నేస్తంలో పేర్ల తొలగింపుని నిరసిస్తూ నెల్లూరు జిల్లా గూడూరు మున్సిపాలిటీ పరిధిలోని చెన్నూరులో చేనేత సంఘం నాయకులు నిరసన చేశారు. గతేడాది చెన్నూరు గ్రామంలో 280 మందికి వైఎస్సార్ నేతన్న నేస్తం పథకంలో లబ్ధి పొందారు. కానీ ఈ ఏడాది 150 మందిని మాత్రమే ఎంపిక చేసి మిగతా వారి పేర్లు తొలగించారని చేనేత సంక్షేమ సంఘం నాయకులు శ్రీనివాసులు అన్నారు. లబ్ధిదారులందరికీ ఆర్థిక సాయం అందేలా అధికారులు చర్యలు తీసుకోవాలని కోరారు.

ఇదీ చూడండి:సీఎంకు విధేయుడినే.. అందుకే తప్పించేందుకు స్కెచ్​ వేశారు'